馬仔心情日記

小改變,大改善!

10月

Sun Mon Tue Wed Thur Fri Sat
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

 

10月1日


今日國慶日…國家好慶呀…人都好慶
今日又搞部機…「實在太好玩啦」呢句係部機同小風講既=.="""
不過都叫學到好多野啦…按del入bios…而我部就係crtl+alt+esc…按f8入save mode…同如果好似張lan card detect唔到就入save mode uninstall左個driver先…
不過又搞左好耐…馬老大又唔鐘意…而佢仲對隻馬既comment非常之唔好
不過講到尾…我都好多謝隻馬肯幫我搞咁耐ge…好開心可以識到佢

仲有換左個keyboard…唔係好慣…


10月2日


今日入左d新野…又換左d野…
不過部機就唔係好掂…初初d:\都重組同scan唔到…好在最後用盡方法同時間終於搞好左dd…電腦都真係一樣好煩既野…
今晚同eva照左三張相^^…eva05真係好靚…原來一樣野翻左新係可以同新一樣…仲有好大既新鮮感

今日同跟我既馬講左一輪道理…之後返屋企…隻兄弟馬突然打來…我同佢講左好多所謂既道理…實際上係廢話…但係佢又好受咁…哈哈…我又發作啦^^"


10月3日


好鬼耐冇upload馬仔心情日記na…好在都有寫開…冇放棄到…
不過個網就真係好似唔多掂lu…要睇下有乜新野搞下…ftp都未dl=.=''''

 

10月4日

今日終於好學左install win98…原來都好易…一陣就得…今日終於學到野啦^^

仲有發覺自己係不良既電腦操作者…今次format左部機就一定要自己既電腦好好保持到最好既現狀日…哈…仲有自己都比人發玩係超性急既人…過一條橋要一次有咁多野羅咁多野…結果係中間又要人幫又剩=.="""

 

10月5日

今日同主人玩左好耐…又打左一陣羽毛球…不過我一滴可樂都冇出…^^"

仲有終於買左個19蚊既speaker…加起上來…我部機除左個主機…其他既周邊都係新既^^

 

10月6日

今日好無聊咁過…最憎係星期一…

又比d馬指左去改sa…好鬼慘…不過發覺隻馬唔識計數…三個數加埋99%或101%有乜出奇喎…唔識進位或退位架?

 

10月7日

今日係馬場開始左執野之旅…左搵到d好多過十年前既野╮(╯=╰)╭嚇親人…

 

10月8日

今日繼續執野…將尋日要掉哂佢…簡直係阻塞走火通道^o^"

 

10月9日

近排都好多野做…多到我都唔知自己係做乜位既…好似有d問題…我師父好似都想打我…

 

10月10日

今日出左去食飯…又證明左我係一隻不善於交際既馬…

睇著d日日對著馬都冇乜話題講╮(╯╭╮╰)╭

 

10月11日

今日去左金田度…架車壞左…我d危機意識超低…

真係未知死,焉知生呢?

 

10月12日

今日同主人玩…玩左好耐…主人仲買到金蹄飛馬公仔^^ 好得意

 

10月13日

近排去睇一本書…又係講道理既…講馬生又面有乜巧合…雖然話係真有其事…但有d係好誇張…好難令人去相信…不過…巧合既野…有時都係唔到你唔信…好多巧合既事都會改變你一世…

 

10月14日

今日去左金田左度…個天真係黑得好快…一放工都好似9點咁…好在唔會再黑je^^
佢係咁睇住我食腸仔個樣…係度笑…仲話就係咁啦=.=""""" 佢隻野…
今日佢又demo左個雙贏局面比我睇…有隻馬羅住野上來…我地又想落去…初初我都係諗比佢上先…但係金田又諗到行第二條路…咁就大家都好啦^^" 要學下啦…諗多幾面…一定有好處

今日整親左隻腳…又係最脆弱果度=.="""我諗又要痛多幾日先會好番
雖然話我一向都慣左一隻馬…但係一隻馬真係好寂寞架…特別係d咁凍既天氣…就好似比人掉左落街既流浪狗咁…冇人理會…得自己一個向自己所謂既「方向」行…=.="""

今日發現左D野…係一D過去既記憶…應該曾經係一段好開心既回憶…不過可惜係…呢段開心變唔到呢家既開心…我地住住唔可以知道事情既結果但要去做一件事…雖然結果可能係好慘…但如果明知我地又唔會去做=.=""最終可能乜都冇做過…paradox




10月15日

今日跟我既馬又有大問題發生左…我都唔知點幫佢…講錢我又冇…講辦法…我都冇>.<~ 對佢來講…我表面上係一隻好可靠既馬,但係事實上反過來我郤係一隻好需要人幫既馬…我一直以來都好想去幫助其他馬…但係好多時既結果都係心有餘而力不足,有時仲愈搞愈禍'_'…

不過希望佢明啦…我都同佢講左好多次,佢係一隻唔識去表達自己既馬…佢以為佢搞到咁,其他馬會去理解佢,但係上事實上,冇馬講,冇馬明^^" 我自己有時都係犯同一個錯

金田馬今日又比個win98玩啦…佢仲話想打爆個MON佢…^^" 原來佢都係咁衝動…
不過有一樣野真係要反思下,WIN98對佢來講曾經係一個最可靠既作業系統,不過而家有左XP就係兩個世界LU…返唔到轉頭…哈…
冇計啦…隻隻馬都係一樣,只會覺得而家既係正確既以前係唔O岩既…可能因為而家永遠都比過去更為實在啦…不過我都同佢講…返唔到轉頭就唔好番啦…
就算強行返到轉頭都唔係一定係好事,勉強係冇幸福…由佢LO…而家好就好啦… 自己鐘意既…就係最好既



10月16日


今日終於收到野…仲唔洗我專登去…太好啦…我好好彩^^
近排唔知係咪休息唔夠…好似好累又病病地…
要成為最強既風都係多災多難╮(╯_╰)╭




10月17日

今日跟我既馬繼續訓覺…我冇去到…因太孤寒∼∼(∼.∼)∼
今日終於都搵到Blue Forever Part II…不過做左d好小雨既事…
前人既一句話「疑人勿用,用人勿疑」…呢中哂啦…=.=”””
聽左d馬講先去睇…但係又唔信哂十足d馬…唉…


10月18日

今日去金田馬度…佢尋日既預感中左…遲左收工^^"
結果我訓左…中要訓一日果種=.="""" 時間就係咁過…頂多唔知比金田捉住左乜乜幾耐…
鬼死咁孤寒…下次都係訓夠先



10月19日

今日將bid中左既表比左蟲蟲…佢好開心…可惜主人冇份=.=""遲D睇下可唔可以幫主人bid野…
今日同主去剪頭髮…d馬以為我係D三歲馬╮(╯3╰)╭

 

10月20日

今日好大獲…做錯野…唯有靠我師傅幫我解圍…今次教訓都好大…

一個星期後就知有冇得救…

 

10月21日

今日去左隻馬度…好似開始愈來愈無聊…
我唔係為左乜乜而搵佢…咁為乜呢?好似同我既想法有好大出入…
個個都話好食既野…我係咪都要跟大隊話好食呢?咁先叫正常?但同我既性格好似有太大出入…以前既小風去左邊呢?
不過又係度諗…咁以前既小風又應該係點既呢?

 

10月22日

今日狀態都仲係唔好…好唔舒服…
又開始否定同懷疑緊一d野…雖然話「覺今是而昨非…」但係好似搞下搞下…以前同呢家係唔同…冇錯係少左以前既問題…不過只係問題改變左…又多左d新既問題╮(╯_╰)╭ 真係好無奈呀

 

10月23日

今日差d比金田嚇死=.="""""真係以為佢有乜事tim…但係點解我會咁擔心呢?係都要諗埋d唔好既野呢?可能係好唔理智…不過都只係愈係著緊一樣野,愈係唔想或者驚佢有事

我可以完全去「信任」一隻馬…但原來,叫我完全去「相信」一隻馬都仲係唔得…實在太難安心

 

10月24日

今日心情仲係好down…搞到金田都唔鐘意…但係我一生入面最擔心既野可能發生…點會話睇得開就睇得開喎╮(╯_╰)╭雖然話擔心來可能又係好似尋日咁…自己嚇自己﹙我都想係咁﹚

後來係馬場既小雨send左隻game比我…我玩下玩下又覺得開心番…其實都係咁簡單je…可能同隻小雨日對夜對…佢都好了解我啦^^ 唔知點解你擁有令小風再次燃起鬥志既力量…

不過真係好多謝你…以後既問題…仲未諗到辦法既…煩來都冇用