|
名偵探-金田馬仔！！ |
9月
| Sun | Mon | Tue | Wed | Thur | Fri | Sat |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 |
今日金田馬出左糧…請左我出去食飯…又陪我去行街…又買左10蚊既盒仔…
雖然係好多馬既心目中…呢d一切都係d好簡單既事…不過真係好開心呀…可能因為我一直都係需要呢d咁簡單又開心既野…
今日突然小風來襲…吹呀吹呀…好鬼勁…
搞到隻A馬都叫我快D返去^^"
好在大佬馬都最後都比我早返
哈…以前我成日都唔鐘意D馬去擔心我…覺得好鬼煩
但係今日居然輪到我去擔心其他馬…而家我明擔心都係出自關心…
不過係過度得濟果隻=.=
主人好似唔多鐘意我ICQ個新名喎…應該係唔慣掛…
其實佢咪係一樣"得意小角角"
今日金田馬突然send左個搖搖花式既av比我…好驚奇喎…
係av入面既馬玩既雙手回轉花式好勁…我以前都曾經去練習過…
不過因地方唔夠同我用開既搖搖唔適合玩回轉花式…所以一直都玩單手扭繩…不過都好似冇乜進步空間lo…加上好耐冇玩…差左好多…有機會都係搵番兩隻雷達出來轉下玩回轉花式^^
今日同小雨將小宇宙燃燒到極限先可以係限時內ko馬老大比既工作…
今日同隻金田馬出去…佢同我行左好多地方…
又研究八達通…佢既知識真係比我運用得好千百倍…
距離所謂既「最強既風」仲差好遠
今日返到去先發現好似害左小雨咁…又好似冇哂d歸屬感…唉…其實呢排都係咁…只係自己做自己野
不過今日e馬比我見識左樣好鬼勁既software......真係咁都得…早知上次就唔洗打得咁慘>.<~
今日打左好多次電話…不過都搵唔到佢=.=…算啦…其實人地都有人地既世界又唔好成日去干涉ge…^^"
今日跑馬仔…睇到我阿麻又展現佢當年既「撥馬仔」絕招…
諗到都笑死人…
今日同主人打機，不過似乎佢係度都悶到死…似乎…有d野都係度改變緊啦
今日又同金田馬出左去…仲搭左好成十年同搭既天星小輪、渡海小輪同丁丁…
去左同行左好多地方…見到好多馬。會次見到呢個情景，都係覺得自己好渺小同馬既一生好微不足道…好似金田馬感歎話…馬有乜咁大不了，一條根斷左可能又係咁就玩完…
係馬既一生，我地會去經歷好多唔同既野…去識到一D朋友，去搵到D同自己夾既馬…會去想著某個馬，會去愛著某個馬，將注意力都放係那個馬既身上…
天下之大，萬物之多，唯獨將注意力放係一隻馬身上…但卻係足唔到那個馬既想法…
其實係咪好諷刺呢？哈…其實做好多野都係好諷刺…反正無論做得幾好都有馬彈；反過來，做得幾差都有馬讚
引發奇蹟本來就係小風既本能啦…再唔係一隻可以引發奇蹟既馬呢個事實…困擾左我好耐…居然比佢睇到…^^" 觀察力、反應呀特別係應變能力真係好似食左太多野行唔郁咁…等我仲以為果兩年我將小宇宙燃燒到最大…好勁咁…而家發現原來燒到出哂煙，過哂龍我都唔知=.= 真係要還架…
仲有一樣野…我諗我有一排都食唔落腸仔…>.<~
今日馬老大問左我一條好有趣既問題…就係問我幾時先會笑…
哈…佢真係有趣…我答佢：「我好多時都會笑…而家」
跟著佢就舉左中國人同黑人既唔同…
其實不知佢有冇留意啦…係呢個暑假入面我學到既其中一樣好寶貴既野…就係去笑啦^^
真係好巧合…草泥地既賽事都開催lu…過左一個漫長既暑假，今年既馬季…終於都要要開催lu>.<~
今日少少暴走…比馬問"你係咪唔肯接受挑戰既馬" 唉…
今日又做最乞人憎既SA…d馬又話呢度唔o岩…果度唔o岩…
但係事實上我一直都係跟佢做既，真係比佢激死同玩死
我一直都係跟佢講咁做…又點知係乜喎…佢仲要串我唔知做緊d乜\_/
不過諗真…可能我都唔可以當自己係工具咁去完成人地叫既野
今日中秋節呀…中秋節快樂！
今日同同馬房馬出去食飯…英文好差呀=.=""
今年過左個好唔同既中秋節。以前既中秋節我都係係屋企自己一個過…
除左細個果陣同有一年同主人將d四驅車當燈龍落街行圈之外^^"
今年就去左睇燈…雖然大部分都係雀仔，不過好靚！
今日又好似小雨咁係咁係條街度搵車去旺角站，不過原來架架車都經^^"
一句講哂…自作聰明啦^^"
911又兩周年lu…所以你都唔好話時間過得慢
今日係追月日呀…不過月就冇得追…
去左行街^^"行左好多地方，見到好多野…
又去玩跑馬機。我仲第一次贏到頭馬tim呀…YEAH!!!
又去睇精留水打波…真係甲組椰佬一隊…下次千祈唔好飲呢隻水
今日去學跳欄…不過似乎我對欄杆既恐懼都仲有>.<~
9月13日
今日有隻以前既馬來探我地…好驚奇又好開心呀…
我初初都唔係好信呢個係事實喎…我呆左一陣…反應好鬼慢呀…哈哈
今日送左d野比主人同變形蟲…佢地好開心喎…分享係一件樂事呀^^
9月14日
終於掉埋d"傻事"…太好啦…
今日好大條沙魚…唉…
今日同walk in the rain冇乜分別…濕哂身
原來自己一隻馬行真係好孤獨=.="""
今日又落多一日兩>.<~好煩呀…
今日證明左一d放係心入面但係微不足道既說話講出來都好似有好多意想不到既效果…以後都係有果句講果句…咁先叫溝通啦^^
近排有好多怪病…都係要珍惜時間啦#_#
9月16日
今日又有d好唔合理既野賽事要跑…唉…次次都係我…
不過其實好多馬以前都可能跑過…只係我睇唔到:P
我記得好耐之前都有一次係咁比人話過我…不過佢話得太直又太過份…好似落井下石咁…令我今日都唔服佢…
總之有時小雨都係好值得學習…樂天知命，任勞任怨^^"
哈…今日打左電話比隻好耐冇見既馬…估唔到仲係咁多野傾…好開心呀…
不過過左差唔多一年…佢都應該比以前更強大lu…好一隻表面平平，但深不可測既馬^^
9月17日
今日終於冷靜咁做番隻真正既小風去解決尋日解決唔到既問題…
今日同小雨公同戰線…兩隻馬努力左差唔多一整日先搞掂呀…哈…估唔到小風同小雨一齊合作既威力真係可擋萬軍！！(雖然係某程度上係椰左d)
哈今日聽金田馬講佢係佢公司又係係咁比馬指呢樣…指果樣…被指既時間仲多過做野既時間…^^"我呢度都係…不過係指得多又做得多…=.="""
今日跟我既馬好冇鬥志…唔聽我講不在話下(我都冇諗過佢會聽我講)…不過真係愈來愈過份呀=.=""""
不過…算啦…我都係冇得擇…一定要上啦…就算結果係點都係一樣…一個字「上」！！
9月18日
今日跟我既馬突然個祖先歸天…>.<~馬真係化學…
小風雖然係一隻鐘意死神既馬仔…不過卻係對死亡一無所知…
今日過左金田馬度…本來好開心…但因發生左d事…
我又睇唔開…所以搞到我唔理佢走左去…
係果刻突然覺得歸家前路茫茫…好孤獨…令我諗起左好多野…
我記得我以前上心理學堂果陣D老師叫我將最似自己既生物或物件畫係紙度比佢睇…
結果我交左張白紙…我既解釋係"我乜都冇"…
呢兩個幾月係發生左好多事，多到同意想不到…
就好似果陣有D馬問我…一張白紙如果畫左野上去，油左顏色都唔再係白紙…
係咪我呢個情況呢？就算比我有一支再好既塗改液…我都唔要啦…
因為我覺得唔畫野…唔上顏色…根本一D都唔充實…根本就係失去紙產生既原意~_~
9月19日
今日作左命苦進行曲-"貧窮的你我" 原來當有感覺就唔係太難填詞…
不過填得唔係太好…有d地方差d就咁就諗死左
金田填既原來d音超準…不過可惜我唔係跟音樂而係跟日本歌唱填
今日主人唔開心…我同佢踼波，打機…泡泡龍出左4lu…
又入左pt3旦同pt2蓋…我仲用單車載主人…不過佢好驚^^"
好似好耐都冇好似今日咁lu…
今日希望主人可以做好d功課…咁就早走…^^"
今日一返屋企就比部機玩死…個防毒死左…UNISTALL唔哂又BOOT唔著部機…>.<~
好在最後都搞掂…
但係最後又搞到ICQ SEND唔到FILE…我同金田馬
今日教隻馬…都唔知好笑定好嬲…
首先同我嘈話8^(-1) =-8 =1/8 >.<
跟著問佢…生物既特徵…R字頭…每日都做…
居然答我係REPRODUCTION X_X…我唔可以否認佢係跟我既馬…不過我真係唔知點做…同可以點做…谷鬼氣呀！！
今晚跟左金田馬出去…雖然一開始就搭車落錯站…
不過都好開心…可能係因為星期日冇見啦…好似好期待去見面…我有D特別既感覺…不過又講唔出係乜…
又係一齊去食飯，今次仲有教我電腦…不過發覺左好似XP唔識整開機片=.=""
今日跟我隻馬唔舒服…所以早左好多走…希望佢快d冇事啦…
今日搵野果陣發覺原來d盒仔變左我新既垃圾堆>.<~因為我係又放…唔係又放…
唔怪得之買幾多爆幾多>.<~ 好辛苦先掉左d冇用既野…而家又好似有好多好似冇乜用既野=.=""""
今日繼續執野…不過其實都只係將d亂既野收埋…事實上都冇整齊過XD
9月26日
比跟我既馬激死啦…我想佢好…又唔知…我講既全部都係道理呀
不過諗真一層…我都做過佢既角式…雖然"煩"係一個唔係原因既原因…不過就係馬既感受…
你唔覺得佢係一個原因…係某程度上即係唔理佢既感受
馬心係難明啦…所以要珍惜剩番既10幾年…
9月27日
今日去左屯門又冒險=.=""好在返到屋企…
今日出左金田馬既妹既屋企…果部機…真係電腦來ga？
a:\入面有好多野…d:\開到關唔到=.="""
本來都當冇去過啦…竟然兩個DRIVE都冇壞…又竟然用WIN覆蓋到個WIN…入到WIN...
嘩…呢個真係…一個奇蹟呀…
不過可惜呀…要做到完美MA…裝埋張LAN CARD就入唔到WIN>.<~
冇計…冇計…
哈…原來隻馬都好鐘意細路仔…好有"家"既FEEL…有D野諗到啦…
9月28日
搞完人地果部…又到自己果部啦…切開兩個hd…format左部機…
不過用左好多時間…我知電腦表面上唔係好難…但事實上又係…仲好多時都好多意外^^"
過經過呢次之後，我既電腦知識又行多一步
9月29日
今日有馬應承換野比我…又識多隻馬啦…
今日部機都仲係唔多隱定…隻馬話可能又要format=.=""
9月30日
今日隻馬好辛苦喎…搬左300箱野…不過佢居然話過去左…唔累^^" 哈…唔同馬對唔同事既睇法…有得反思下
今日係乜乜記念日啦…
終於都打破左果個心之壁…
不過同果次跳水一樣…跳之前就好驚…跳左之後又對跳既果刻冇乜印象…
哈…希望下次跳唔驚啦…
終放都注左冊…不過最大原因都係想佢開心d
今日再去油eva05…好耐冇油模型啦…不過油左好靚…我似乎我呢家鐘意eva05多過eva02 lu…
