Make your own free website on Tripod.com

馬仔心情日記

每天也update的情報!!今天又發生了甚麼事呢?

11

Sun Mon Tue Wed Thur Fri Sat
  1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

 

 

11月1日

今日有隻馬生日喎..不過搞到我破左產...以後係咁真係唔係辦法....不過講真大家都開心

今日係馬仔英文日..成績點? 咪又係咁...不過好憎果D睇低馬既馬...等我第日坐到佢個位佢就知...

今日我唔記得左乜係"integrating by part"...有D馬舊年讀過都唔肯講比我聽....真係好鬼乞馬憎....真比好似份心人地睇下都會死咁..\_/ D人講得冇錯...有D所謂既"friend"咪好似"fan"咁...有用果陣o羅來用,冇用果陣收埋佢...

 

11月2日

原來"integrating by part"係中六七既數...搞到搞左一輪....主人今日又冇來...好鬼悶。

好似我雷霆萬均又唔識做啦-_-||

 

11月3日

今日主人終於學我改善左我既智能旋風^^...而家可以努力摩大核分啦..

不過我橫向技術差左好多...(點算??計我第一個絕招之後又冇咁多個..)

 

11月4日

今日去聽左六個鐘個野..有想死既感覺,而且又比隻馬串我-_-||....我都冇得罪佢...搞乜...人地做左一陣同馬房冇感情有乜出奇...

今日套野終於告一段落啦...個ending OK啦....不過都係中間好睇D.."冇可能擁有以前既野"..呢句話都唔知叫清醒定冷酷啦..

 

 

11月05日

今日又要上果D野...唉...不過算啦,都唔係學唔到野。

今日有隻馬考到車牌,仲請我地食野^^ 佢真係好鬼好馬。

今日係馬場玩yoyo喎...好在冇KO野

11月06日

今日比馬讚呀^^ 我都唔係學左好耐之ma...不過原來個個都係鐘意比馬讚。

今日又去聽talk。隻馬都幾得意...好有sale格,講野好鬼說服力。好似佢話而家個個都係危險既情況...好似大家後面有隻熊,你隔離隻馬換對波鞋,佢唔係要走嬴隻熊,而係要跑嬴你,因為佢食你果陣重有時間走....

佢仲講normal distribution同IT....最衰我冇機會聽哂佢講。

 

11月7日

今日慘係啦...乜都做錯..返左去又要比馬煩...仲話我點錯點錯..真係好鬼想KO佢..一D都唔明人地...佢估我好好過咩...成日迫馬食冷飯...又講到好似我迫佢...佢真係好有問題...都叫佢唔洗,佢又堅持...辦哂偉大...又成日搞我D野\_/",又管住哂....究竟關係乜事.....連果幾個鐘自由我都冇..我真係....冇野講啦....係又點..佢又咪係咁....\_/"

 

11月8日

今日又有馬生日...當然銀包輕左啦..不過真係好熱鬧..好開心。突然好鐘意呢個馬房。

 

11月9日

今日主人來...佢買左一架四驅車比我,又買左架比自己。我地又開始玩番四驅車啦...我果架又係Buster Sonic...而佢果架係最新既Beat Magnium GPA,最後又搞左一晚,我果架改左做白綠漸變色,主人果架好cyber..所以改左名叫Cyber Magium。我果架叫乜...我未諗到喎...

 

11月10日

今日主人買埋摩打..佢用紫銀,我用灰銀...真係好懷念,同以前一樣。我果架加埋貼紙後諗到名啦..叫聖域超音。不過真係好懷念我以前果架魔域超音...弟日羅番出來玩下先....

 

11月11日

今日去買左D正野番來...不過我決定左要我有足夠既技術先開啟佢..今日係破財日啦..我冇哂錢買馬糧啦....唯有日日食草啦

 

11月12日

今日比人激死...教極都唔識...等我連鐘都睇錯...星期四點算??

 

11月13日

真係好彩當初我冇到讀統計..原來我真係好驚好大既數目....我係數學既弱點一d都冇改善過...

我KO左"Chain Reaction"啦...仲合左體tim..^^

 

11月14日

今日差唔多去左極限....做足16個鐘!!...不過以前既我真係小事啦...20個鐘都唔出奇..可能真係老左-_-||

 

11月15日

今日畢業禮呀...好鬼悶,又鬼累,因為前果幾日冇乜訓。不過真係好鬼混亂,我又唔係好開心。可能我係一隻唔係太鐘意諗過去既馬(同以前改變左)。何況都唔係一個好開心既過去...

今日我買左d野...又真係幾貴,不過真係好鐘意...近排都唔知係咪比貧之神上左身...仙都唔仙下(不過都係自己羅來)

 

11月16日

今日影左好多馬仔既相...真係好多好多...終於還左個心願。我前果排諗既"馬仔十二宮"終於開始,不過好似冇想像中咁易...我同主人都累死左。不過主人整果d特特效又真係幾犀利^^。又係一套新既大作。

 

11月17日

今日終於影哂"馬仔十二宮"既相...累死人...都唔知幾時先整得完。不過整完就一定會搞爆個網..哈哈...

今日主人又玩魔法,真係好鬼犀利...我又要學佢!! (最強競走馬目指!!)

 

11月18日

今日請馬食野...差d入左貧窮既深淵....(好似已經入左)

 

11月19日

今朝真係好激氣....唔想過係咁...我要自由呀.....

今日真係好悶....悶到覺得我唔適合呢個馬場......只係一個月多d....唉...

 

11月20日

今日又係好悶,做完又做,番來又要幫馬溫書,真係想馬死\_/。

不過今日見到一隻好耐冇見既馬^^ 好開心,佢真係好關心我架,雖然唔表現出來。

 

11月21日

今日好搞笑,要我印D煩野,不過最後超成功(不過試左起碼10次)。不過果本書講得O岩啦,想要勝過別人既心係進步既原動力。

 

11月22日

一次再睇二百三十五封信會點??冇乜呀,有少少想死only,死唔去。不過感覺畢生難忘。

 

11月23日

今日主人終於買左佢好想要既野,我都好開心。

 

11月24日

今日主人買左魔鬼高達比我,我好開心。

今日整馬仔十二宮,好麻煩..整死馬,仲係upload果陣出現好大問題........我唔多搞得掂....

今日仲同引退神駒嘈.......佢好孤寒.....\_/"

 

11月25日

馬仔十二宮真係障礙重重啦......原來可以咁煩。

 

11月26日

今日因無聊所以作左2000年既會考題,真係好得意,不過原來只係300字,真係太少啦,我以為要作500字-_-|||

 

11月27日

今日係我係馬場最失敗既一日,又漏左張紙係部機度,又打錯名,又call漏馬.....最激氣部機都整唔到。不過我風雲再起係唔會就咁就認輸!!

 

11月28日

好鬼慘呀今日,部機又唔掂......又要fill野......

我想左好耐既野實現左等於冇做過-_-|||

 

11月29日

今日好開心呀,因為我可以係馬場用SQL。好耐冇用啦,原來SQL真係好有用呀^^ 我仲可以睇到人地果D database點設計。好有親切感!!

 

11月30日

今日主人冇來-_-|||

我搞張卡搞左三個鐘-_-|||

我仲發覺我一生馬都係冇一日有得真正咁休息下-_-||