馬仔心情日記

每天也update的情報!!今天又發生了甚麼事呢?

10

Sun Mon Tue Wed Thur Fri Sat
  1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

 

10月1日(國慶53周年記念日)

今日主人又來找我,仲係早上八時...我初初以為佢唔記得來,不過原來只係我對佢唔夠信心。我真係好開心佢來找我。

我地今日狂打隻Kuuga Game..真係好孤寒..還差6張卡...

今日主人做核子分裂+原子烈焰+進階核子分裂比我睇...真係好勁^^我以佢為榮。佢仲講左個故事比我聽...可能自信心真係好重要啦。不過總之同主人在一起真係好開心。

 

10月2 日

今日做英文。原來可以好難做。聖鬥士常說:「對聖鬥士使用兩次相同的技巧是沒作用的!」原來是真的....

我聽日又去見馬仔....今次我好有信心!!

 

10月3日

尋晚有隻係icq識既馬幫我,我好開心,因為我冇諗過佢肯幫我。不過我始終對馬與馬之間的關係還是有一定懷疑。正如Wing高達果個阿奈話:「如果放下太多感情,分離時會很難過。」而且,有太多馬根本是太理性的。

我今日去見馬仔既結果係叫做比前幾次好,又見識到人地馬房既勁野。不過都係冇乜機會...算啦....繼續做A.Maths。

 

10月4日

今日又突然有馬仔叫我去見佢。見係有D問題,因為我什麼都唔知。原來係冇資料之下吹水真係好難....魚到盡。

今日比我隻隱形火打到要害...即刻頭暈...-_-|| 原來佢D攻擊力好大

 

10月5日

今日主人來,佢買左隻二手既原色雷達,而佢又買左隻二手既原色隱形火。^^好開心。

 

10月6日

今日主人練到一招好勁既招^^ 佢真係好鬼勁。佢今日又完成左兩好勁既flash...睇下幾時擺上網啦。

 

10月7日

今日幫主人掛網,d level真係好鬼難升 -_-|| 不過希望佢快d升到可以做到神秘果支水啦。

 

10月8日

發現左D新野....好得意。我藍色果隻隱形火原來已經去到極限....軸心出現列痕.....可能佢真係要引退了...-_-"

 

10月9日

出左套正野....真係好耐冇見佢地。

 

10月10日(不幸之雙十節)

今日又去見馬仔,不過大失敗,因為我竟然唔識用佢地部電腦...-_-" 真係千年道行一招冇命...

今日終於有果張cert啦...不過真係好失望....

今日我連核子分裂都做極都做唔到..今日究竟搞乜鬼呀??

 

10月11日

今日又幫主人掛網....終於升到80level....主人今日因為有三日假..所以提早來,佢終於挖左10000下..不過好似冇野喎...-_-"

 

10月12日(奇蹟出現記念日)

今日竟然有馬叫我去試跑喎^^!!終於成功啦!!我好開心呀..不過放牧既日子終於過左啦...足足三個月零二十七日....

 

10月13日

今日我同我主人玩電子琴...我以前覺得識彈D人好勁...我亦都唔會一世都唔會識彈..不過原來都好好玩喎...主人重教我彈“Break Up ”tim呀^^佢一路吹笛,我一路彈,我地好合拍呀!!

主人佢開始識做vertical loop啦...真係好鬼勁

 

10月14日(重陽節)

今日係重返陽間既記念日呀...又係我既Last Day呀...今日果招Hydrogen Bomb終於叫做成功。一係唔做一係做到死...我諗我既將來都有排做.....不過唔做又點知自己既能力可以去到邊呢?

 

10月15日(正式踏上草坪日)

今日呀...都幾慘呀...總之用“熱鬥小馬”果首歌來形容就全中啦。D "P" file真係好鬼羅命...可能做一個禮拜都做唔哂。不過D馬真係幾好,而且我已經學到做事唔好太快。

 

10月16日

作死啦....今日又有新野搞...個封箱專用馬....做死馬,不過幾好玩,因為我個小宇宙又可以燃燒。今日我一個下午就KO哂我以為要一個禮拜先做得哂既"P" file啦...不過馬蹄好痛。

 

10月17日

真係好鬼孤寒.....話幫人自己"幫"五分鐘就走左去.....最憎單拖馬仔.....我都叫不幸...前兩年同而家都係咁..-_-"不過在我得到我想要既野之前我都會繼續。

 

10月18日

今天人們話我好彩,因為舊年重慘,咁我真係唔知啦。

今天比馬仔考我....我都係咁...好衝動...唔諗清楚就做...後來比馬仔訓話。原來管馬D馬真係好以可厲害...連打招呼也有學問...佢真係比我見到第一隻勁馬重勁。(以後真係要小心佢)馬房重來另一隻更勁既馬...佢又係點既呢?真係好驚喎...

10月19日

今日係我去跑馬後既第一個星期六,不過孤寒既主人冇來睇我..真係好孤寒..不過算啦..

我又去搵左另一隻雷達返來...下個期叫主人買比我先(哈哈^^)...唔知點解我覺得佢D顏色好靚...睇真D原來同一部數碼暴龍機差唔多色...^^

10月20日

今日返學校呀...好鬼麻煩,搞左一輪...不過總之失望啦...果隻死人野,我知就通知佢,佢知又唔同我講...總之以後冇計傾呀!!

人們有句話叫人面桃花,我而家明啦...

10月21日

用左HTML來EDIT網頁左幾日..習慣左..不過好慘,WINDOWS係95,OFFICE係97..FRONTPAGE都冇..唉..乜世界..????

今日又係咁...累到一返來就訓,好似連上網都唔想上呀...

不過今日有隻馬講得好岩呀..我根本唔洗理其他馬點講,因為就算點講都唔會影響到我,咪等個天自動收佢..佢咁唔識乜野叫珍惜..等佢遭天譴啦^^

10月22日

唉...真係好鬼孤寒..中二連EXPEND都唔識...搞乜呀...不過而家D課程又係既...中一或中二己經教中三野..咁中三教乜呀...

我真係唔識PHY..連PLANE MIRROR都唔識呀..點算呀...不過好彩我D A.MATHS都仲有五成。

 

10月23日

今日我有機會入資料落人地個DATABASE度喎...不過原來佢地個DATABASE都唔係好勁,兩個TABLE竟要人地分別入兩次。唉...真係仲差過我地果個FINAL YEAR PROJECT既STSTEM....我地個SYSTEM係無敵既!!不過聽D馬講佢地以前個馬場仲死..冇SYSTEM,乜都用馬力...唔怪得知佢地話個到SYSTEM咁好....所以有時D野真係要珍惜...

不過講真果句,係原來係唔同角度去諗同一件事己經可以變左兩件完全唔同既事...我而家明點解D人成日話人地唔明佢地同埋D人點解成日因為唔同立場而吵架...因為大家都係以自己立場出發。

 

10月24日

今日做電話馬仔呀...初初以為好好玩...原來一D都唔好玩..差D死..原來心人精神攻擊真係好唔掂...不過真係估唔到一份工有咁多人想見...真係嚇死馬...-_-"

今日我又做電腦馬仔...好鬼慘...改完又改..真係作死佢。今日我都唔知係叫做搵到我自己既利用價值定係比馬點死啦....

 

10月25日

今日執野執到精神錯亂...好慘...好似我身體有D事...唔係要提早退休呀呀..哈哈..不過講係咁講...想提早退休真係冇咁易...一定要戰死為止...(好慘)

馬仔大發現!!!原來D馬唔係咁大架!!! 不過好諷剌..學D野同情況我真係見番,不過我都係選唔建議果D處理方法...冇辦法啦...真係好想知ma....

 

10月26日

今日又比馬仔捉入去訓話。不過今次係我既問題...最強Service馬目指!!

 

10月27日

主人近排好勁....又有馬馬騎...

我D雷霆萬均終於有D進步啦...不過其他招式因為冇時間練而變差中...-_-"

 

10月28日

今日同隻馬同路..佢話上左馬場就好難有人睇住你有乜問題....有問題一定要自己搞掂...唉..真係好鬼太壓力....

 

10月29日

今日做左做powerpoint..不過好似隻馬冇睇..我而家重諗緊我做個powerpoint來做乜...不過老實講今次先係我第一次認真做....都係一件好事...

 

10月30日

今日撞到隻瘋馬..一話唔掂就lift都唔搭衝落樓梯罵人....乜馬來架...不過對比起我已經好幸福...

15日啦....好快呀..不知不覺..不過有排頂,而家先岩岩出閘。

今日搵到D馬既素材...好正

 

10月31日

今日好鬼忙...好似我真係幾有價值..(多功能打雜馬仔)..不過都好過冇野做...

我日睇左套野...一個不死既人去搵佢死左既女朋友既下世去保護佢...原來真係愛一個人可以做到咁....不過現實邊有咁既野...所以在幻想世界有時係好好ge...乜都有可能發生,而且隨心所慾^^