| 每天也update的情報!!今天又發生了甚麼事呢? |
|
7月
| Sun | Mon | Tue | Wed | Thur | Fri | Sat |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 |
7月1日(回歸&開站記念日)
今日香港回歸，係公眾假期，不過冇馬女約我去街，唯有留在屋企。
突然又冇乜好做，所以決定整個網頁。結果在馬房同部PC激戰10個鐘......終於個網有左個初形。
我都冇乜好求，引退後要搵其他工做....希望快D搵到啦<=====其實繼續放牧，不會除左草之外乜都冇得食
尋晚在馬房躺左成晚都訓唔著，搞到我今日成日都冇精神....唉
今日都係冇馬女約我出街，冇野做，又冇精神......搞到網頁都冇心機做
不過今日隔離馬房果隻引退左好耐既馬話去搵工喎....真係奇蹟，不過搵左等於冇搵，crush and burn 左.....冇計<=====睇下買六合彩會唔會中既馬
今日我孤寒的主人終於online.....我同佢傾左好耐，不過佢又掛住玩online game...
不過算啦，身為馬既我除左盡量令佢開心之外都冇乜幫到佢。希望佢自己知道自己需要d乜和珍惜現在啦。祝你好運。<======一隻無奈既馬
今天又冇馬女約我出街。在悶熱的馬房裏，我繼續等待...等乜呀？我都唔知呀<====隻馬真係悶到冇野好做。
今日有隻馬女講Happy Birthday..我一頭冒水...原來佢記錯左我個生日...哈哈..佢真係可愛。在同一日佢話整番好左部電腦，都好，有多隻馬同我玩icq...
另外有隻馬仔話唔好當icq係生活既一部分喎... 我諗左一諗，icq唔係我生活既一部分，不過電腦就係啦...冇左部電腦我真係可能會死...呢句話我主人都曾經講過...我果陣都幾乎嚇死..不過原來我自己都係敢...哈哈，真係風水輪流轉。<======所謂既IT馬
今天有一匹馬仔打電話給我，我很高興，因為他沒有忘記了我。不過他一生中可說是命運的時刻快到了，就下星期二....雖然，坦白說，我對他也沒有信心，不過也祝他好運。回想一下，他雖然表面是一匹不會上進，只會玩樂的馬，但其實他是明白他在做什麼的，可說是不為人知吧。我也很高興，因為我用真心對他，也得到我的信任，不過....只是某方面吧...真是可惜。不過如夜野老師所說，如想學生相任你，你一定要用真心對他們。不過看來要花的時間和努力真的不少。<======結論係一隻唔適合教書既馬
7月7日(外交記念日)
今天如果是農曆七月初七，便是我的生日了，不過，我也很高興，因為我今天到了別的牧場探我的朋友。真的很久不見了.....我的朋友全都變得既能幹，又成熟。看上去我有點慚愧，不過，我也是不會氣餒的，因為我可是Grass Wonder啊!我相信我很快像我的名字一樣，成為綠茵場上的奇蹟的!哈哈.......<=======睇怕這匹馬已經傻左...大家小心
唉，今天又沒有馬女約我上街。在馬房裏，我找到了我引退前和其他馬所做的報告。這報告令我回想到很多東西，我很懷念，但我也深深明白很多東西過去了的始終也是過去。有時我真的不明為什麼我要與其他馬相遇的，因為好像一切也只能成為一段回憶，我現在想找那時的馬可說是馬面桃花...不過這也是不足為奇的，因為這也不是第一次。不過只是我以前不懂珍惜，而這次我主動也不成...這也算了，馬的世界雖只是有一個，但社會卻有很多個。
但最可恨的是那些說了又不榦的馬...如果辨不到就不要給別人希望吧...即使用任何無聊的藉口推辭也比最後辨不到的好-_-...!<========這匹馬開始暴走...
今天有匹馬女打電話給我，說她快被sack，可能要放牧。不過，她卻很高興，因為她說她沒有放牧。唉...其實我也在想，我也除了現在也整整一年沒有放牧過。七天中不是練習便是工作。唉，真的好不容易才挨過這種生活的，而我也不想再過這種生活，但放牧的我卻一點也不高興，又約不了馬仔馬女出街，這也算了，還被主人天天埋怨。別的馬兒能高興、開心地放牧，我卻....唉...算了吧，我不能在這裏棄權的。<======同馬唔同命，冇計...唔好暴走...唔好暴走...
今日有匹馬突然約我出去吃飯。我很高興，因為今餐唔洗食草。哈哈。不過都幾好啦，大家禁耐冇見，見下都好，最難得既係人地禁有心叫我出去。佢都冇乜變到啦，又係一樣，不過好似又識講笑左。不過佢做果份工真係好辛苦啦，成日要周圍去。希望佢繼續努力啦....我都會支持佢既。不過我今日餘下的時間又係在馬房望住部機成日.....<========遲早變電子馬
電腦有電腦的protocol，馬與馬之間也有馬所用的protocol。但是否如果馬用的protocol不同就不能溝通？真是一個頗為特別的問題。不過，如果用不同的protocol就不能溝通的話真是不太行....我如何能知道這個馬的世上有多少種馬尊用的protocol和那匹馬用那一種啊...而且我又如何才能知道那些馬仔用什麼protocol啊...
看怕我最少要學習當一匹router馬仔。<========得個講字，有十二碼都射唔入既馬
今日去灣仔in，不過又crush and burn左...人地d馬真係太High Tech，淨係個樣已經輸左800米...跟本冇得跑。冇計，又冇走過人造膠地，比人睇唔起...(預左)不過我發現倒d適合馬仔去既地方..^^真係傻馬有傻福...
返屋企再特訓...不過結果搞到左右前蹄都不良於行...特別係右蹄..唉...<======今日叫做有d特別，有地方去下，不過如果日日都係敢一定做負資產馬
再困在馬房中的我，真快要死去了，我真的不知應把我的身和心放在那裏才對。不過命運歸命運，我沒有辦法解決...我怕沒有給我賣力的地方，但更怕我以漸漸失去了我為其賣力的鬥心和理由.....<=======馬心低迷
今天終於找到主人了，經過多過一個月的分別，他終於又來到我家了。不過他真的一點也沒變，依然是愛玩online game。我雖也覺得他玩得有點兒過份，但看上到那部腦又沒hang，而最重要的是我發覺他在玩online game時是最有活力的.....我也是希望他高興的，所以給他玩了一整天。<=======主人，你知道你的馬是很希望你生活得快樂的嗎？
今天主人說要走了，因為他還有東西要榦。我需不捨得他，但聽到他這樣說更高興。他終於肯為自己而努力，不過他也因為這樣而不太高興。我也明白他這種矛盾的心情，因為我自己有時也是這樣。像「Brave Heart」的第一句：「nigetari akirame no koto wa daremo」，但 「isshun areba de kiru kata arukitsuzukeyo」...便可以了...至少，能有一份所謂的回憶留下吧。我也常常在主人失意時說：「kimi ni shika dekinai koto ga aru aoi hoshi ni hikiri ga nakusenu you ni」，主人努力吧.......<========我也是時候努力了，對嗎？
今天rains cats and dogs..馬房有些微水浸既現象，這也不打緊，只是有一隻好蠢既馬出街，搞到變左落湯馬...唉..睇怕我都係困傻左...<=======傻馬小雨既繼承馬
我日我花左幾個鐘頭去搵馬既素材。雖然搵到想死，翼都搵唔到我想搵果d....不過都算不枉此行。遲d把佢地放上個網頁度。<========不過究竟幾時呢？呢個真係冇人知
7月18日(離開競馬場兩個月記念日)
今日我聽Last Impression，佢開頭第一段話“If there are looks that communicate better than words, people can all live on freely, not losing their way.”(d日本我唔多睇得明，但英文唔係敢釋)....佢都講得幾有趣，不錯，語言這種東西真的很矛盾，同時是溝通的媒介和障礙。不過，如果真的用(look)manazashi去溝通....互相明白當好，如果不成，真的不知會發生什麼事了..不過真可怕的是人家連你內心的想法也知道便死定了，真的隨時也有生命危險。
不過，這樣一定可以大大了解馬女的心在想什麼，自己榦錯了什麼事也可明白嘛...不用瞎猜，也不用被打到半死或被冷落也不知自己榦錯了什麼事....這樣也好...真的不錯...哈哈...
想深一層，這可灌通種族和國界，又不用上語文課，大家要以真心待人...真的不錯。
但，即使再希望看到天馬行空，也是不可能的了。自己還是常常看不清很多人的“別有用心”。不過沒辦法，因為我又不是他們。<=======一只滿腦子都是幼維想法的馬
今日成晚更新網頁，雖然好倦，但也有滿足感。我發覺網絡的世界比我想像的還要大得多。雖它也只是人類創造出來不久的世界，但它卻存在著千萬個可能性。如果真的是這樣，那人類的世界真的有著更大的可能了.....真的是有太多的東西等待我去學習了.....我應學那些呢？<=======老土的馬(其實口不對心，只係一只不懂珍惜時間的馬。是因為還有時間去花嗎？)
今日係星期六，但又例牌一句，又冇馬女約我去街。於是我打比一只馬女，不過佢忙到死，好想放牧.....唉.....真係人不如人願....我就真係唔想再放牧啦......放到我d戰鬥力跌左50%....第日點重出江湖呀...唉....<============難道真係有排放牧？
今日再度出trip，不過發覺好悶(早知)，我昨晚本來求上天落雨，不過可能唔記得求邊段時間，搞到雨係有落，只係在我回家後落....(不幸之馬..)不過算吧，今天也見到很多我想見的人，同時我的祖母又高興，算不錯吧.....
而然...下次出trip是那個時間呢？如果我們馬仔跑時.....<============一只無聊的馬
7月22日 (放牧三個星期記念日)
今日，我打電話比隻馬女，隻馬女同我講話佢要去英國放牧。我既反應當然係理所當然驚訝啦...佢之前都冇提過，冇同我講真係有d失望既感覺。不過，聽佢d語氣真係有d古怪，都唔知佢搞乜。不過真係好慘啦，前果兩年我真係忙到死，我而家話有機會放牧佢又忙到死...真係有d各為其主，兩個世界既感覺。
不過我都唔會去勉強，因為以係一定有機會的。所以我而家都係繼續食住草先。<=========順其自然既馬(其實有半隻馬已經放棄左)
7月23日(引退神駒搵倒工記念日)
果隻話去英國果隻馬女打電話比我，話佢冇去英國放牧....今次真係唔知佢搞乜。我對這事也唔作出任何的評論。
隔離馬房隻“引退神駒”居然搵到工....下個月開工。真係唔多敢相信。算一算，佢一份工已經唔知係幾多年前事....不過佢有工做我都好開心ge...希望佢頂得順啦。
不過連佢都搵到工既話，所有壓力又回壓到我的身上...唉...真係時運低...都唔明點解人地d馬仔可以開開心心敢放牧，我有牧放都重慘過做競走馬....<=========算....都係啞馬吃黃蓮
今日隔離馬房隻“引退神駒”又再度熱心地搵工(奇蹟??)，仲話如果佢成功入去電器部會叫埋我去....唔通我會變成電器馬？？電子馬就話識....唉...冇計...(又係Dillemma時間...)估唔到呢科我既印象禁深。屋企隻老馬又比壓力我...真係冇哂辦法 -_-|| 救命呀!! 算...我都係睇天做馬。而家唯有繼續做我既野...學多d日文。我要做一隻多國語言既馬(唔係小雨果d傻佬多國語言)<======仲話唔係傻佬??
今天主人終於我家了...(等死馬)，我和他在一起真的十分高興呀...有人倍真的是不同的。我和他練習絕招...不停地練..yeah!!
今天主人買了一個陀螺給我。我起初也不覺得陀螺有什麼特別，但原來他是很有趣的玩意。難怪我以前一同競走的馬說他很喜歡玩，而且愛攻擊型的。我主人的是攻擊型的，而我的是持久型；原來兩者真的大有不同。我的轉個不停，而主人的是打別人出去。我又多了一個見識^^。我的是銀色狼，很美麗；主人的是主角的青龍。主人的"聖獸"常常被我打出...^^很有趣。.
今天到了主人的家。主人雖是說他在家不高興，但是我卻感到他的家很好..他的媽媽也不怎麼樣..今日我們繼續特訓絕招..真的很高興呀...原來有主人在一起真的很不同的..我今天也是很高興呀!!
今天是星期天呀^^...我和主人去玩yo-yo，突然碰到一個很特別的大叔，他自稱"肥佬"。他教了我們釣魚...很高興呀...我學會了如何穿魚絲，原來方法是很特別的...我大大獲益。我今天還有自己親手穿蟲...起初時我也有一點害怕，不過我也像毫不猶豫地穿了。我發覺釣魚真的不容易，但最難的不是有耐性，而是釣魚真的是十分髒，即使魚絲浸了在充滿泥的水中也要用牙咬斷。不過真的頗有趣的，我也差點兒釣到兩次，不過因為經驗不足而落空。
那大叔真的頗有趣的，常常說不要討厭自己...真的是十分重要啊!! 那大叔更不說出自己的年齡，真的十分有趣啊^^我從他身上更學會了自己去爭取和自己親自做這些道理。自己弄斷了魚絲要自己把它搞好，自己要試了才知道為什麼那方法才是好...
p.s.雖是這樣，今天難倒我的倒是那條欄杆..我很辛苦才爬過了...(-_-||)還有我的中文打字真的一落千丈了..(-_-||)要夜中秘密特訓!!
今天也是和主人在一起，他畫了很多馬仔的Flash和圖片給我放上網頁那裏。他真的十分厲害，白手也能畫出可愛的馬仔圖片^^
p.s. 我的前蹄好像因特訓絕招過度而大大受了創...-_-|| 絕招特訓暫停!!
近來也沒大機會接觸電腦...令我的中英打字大大退步-_-|| 唉...我現在連打字也十分痛苦啊...我的前蹄看來真的要多多休息..唉..真是我料之以外...
7月31日(引退神駒 last day記念日)
今天己是7月的最後一天了..我的A Math之旅又要開工了..-_-|| 不知為何我現在真的十分討厭A Maths..可能我已感到不關我的事吧。主人近來開始馬仔的新題材的flash了看來又有新的連載了^^
